State of calamity sa Albay huli sa pag-alburoto kan Bulkang Mayon, hinale na

LEGAZPI CITY – Hinale na an state of calamity sa probinsya kan Albay na may kinaraman sa pag-alburoto kan Bulkang Mayon makalihis na aprobahan an sarong resolusyon na minabawi sa enot na deklarasyon kaini.

Nakapalaog sa resolusyong pigsangat ni BM Kap. Hisham Ismail sa Junta Probinsya kan Albay an datos kan Philippine Institute of Volcanology and Seismology (PHIVOLCS) na hale sa alert level 2, naibaba na sa alert level 1 an status kan bulkan kaitong Marso 5 asin indikasyon inin na luminuya na an aktibidad kan Mayon.

Sa ibong naman kan paghale sa state of calamity, pigtututukan ngunyan kan Provincial Planning and Development Office (PPDO) katuwang an lokal na gobyerno an pagre-relocate sa mga residenteng naapektaran.

Sa ngunyan, dawa nasa alert level 1 sana an bulkan, mahigit man giraray na pinagbabawal an paglaog asin pagsagibo ki anuman na mga aktibidad sa parteng sakop kan 6 kilometers permanent danger zone.

Leave a Reply

Your email address will not be published. Required fields are marked *