Gin-aprubahan eon it Sangguniang Panlalawigan it Aklan ro Resolution No.02 series of 2024 halin sa Provincial Disaster Risk Reduction and Management Council.
Ro nasambit nga resolusyon hay naga endorso nga ideklara sa state of calamity ro bilog nga probinsya it Aklan tuga it El Niño phenomenon.
Bilang suporta sa nasambit nga resolusyon, ginplastar it Office of the Provincial Agriculturist (OPA) ro datus nga halin pa ku Agosto it nagtaliwan nga dag-on hasta makarun, nakakabatun gihapon sanda it damage report sa crops, livestocks ag fisheries.
May impormasyon man segun ro OPA nga kapin sa 3,900 hectares it agricultural areas ro partial ag totally affected it El Niño nga nakaapekto sa 15,353 farmers. // ANN DESLENE SALAZAR
