Tiniyak ni San Juan City Mayor Francis Zamora na mas magiging maayos na sa susunod na taon ang paggunita ng Pista ng San Juan partikular na ang Wattah Wattah Festival.
Kasunod ito ng mga viral videos kung saan ay ang iilan ay sapilitan nang nambabasa.
Sabi ni Zamora, aamyendahan daw nila ang existing ordinance para rito.
Mas lalagyan din daw nila ng ngipin ang multa sa mga lalabag sa kanilang itatakdang limitations.
Bago ito, una nang sinabi ni Zamora na inaaral na nila ang pagkakaroon ng mga ‘basaan zones’, ‘o ‘yung mga designated areas kung saan – doon lang sila maaaring magbasaan.
