St. John the Baptist Parish Church sa Camalig, pinunan nang i-assess para sa rehabilitasyon

LEGAZPI CITY – Pinunan nang i-assess ang St. John the Baptist Parish Church bilang parte kan ikokondusir na rehabilitasyon kaini.

Enot na parte ini kan pagsiguro na mapreserbar an historical significance kan naunambitang simbahan na iyo an sarong important cultural property (ICP) sa banwaan kun sain kasarabay sa pig-ebalwar iyo an attic kan simbahan nganing ilingon an atop asin an roof framing na tuyong maaraman kun ano an presenteng kondisyon kan istruktura na saro sa pinaka importanteng bagay na mairekord para sa kabilugang rehabilitasyon na titipunon asin magigin parte kan comprehensive report nganing magin giya sa mga masunod pa na parte kan restoration.

An aktibidad an pinagtarabangan kan mga personahes kan Municipal Tourism & Cultural Heritage Office (MTCHO), Municipal Engineering Office (MEO), Camalig Fire Station (FS), Diocese of Legazpi Commission on Temporalities, asin Municipal Disaster Risk Reduction & Management Office (MDRRMO).

Leave a Reply

Your email address will not be published. Required fields are marked *