LEGAZPI CITY – Kinumpirmar kan Department of Trade and Industry (DTI) Bicol na solamenteng an Bicol sana an rehiyon na uminintra sa 19th Lifestyle Expo Tokyo na ikinondusir sa Ariake Koto City, Tokyo, Japan puon kan Hulyo 3 asin nagtapos kasuudma.
Sa intrevista kan Brigada News FM Legazpi kay DTI Bicol Regional Director Dindo Nabol, sinabi niya na wara man kaya ki ibang rehiyon na nagpartisipar sa nasambit na aktibidad.
Segun saiya, nasa 15 micro, small and medium enterprises (MSMEs) an gikan sa Bicol na uminagi sa selection process asin product development antes an aktibidad.
Mientrastanto, kadaklan man sa mga kaibahan na ibinida kan mga Bicolanong delegado iyo an mga fashion bags and accessories, apparel, health and wellness asin dakol pang iba.
