MOKABAT sa 70% establisimento sa probinsiya sa South Cotabato ug kasigbit nga lugar ang naka-comply ilang obligasyon sa Social Security System (SSS) ilawom sa Run After Contribution Evaders o RACE.
Sumala sa SSS Southern Mindanao II Regional Communication Officer Noel Nacion ang wala maka-comply ang ilang kasuhan na. Dugang ni Nacion nga lakip sa ilang gipasakaan og kaso ang tag-iya sa pipila ka establisimento sa Kidapawan, General Santos ug Koronadal. Asoy ni Nacion pipila sa mga nasangpit ang nagbayad sa ilang kontribusyon bisan paman convicted na.
Samtang duna usab ang naka-settle sa ilang obligasyon sa piskal pa lang. Pahinumdom ni Nacion sa mga employer nga kinahanglang bayaran sa mga nasangpit ang ilang kontribusyon sa ilang mga trabahante apan dili usab apektado ang ilang claim.
Kini dugang kang Nacion ang lakip sa COVID-19 pandemic. Giangkon ni Nacion nga daghan pang delinquent employers sa South Mindanao II.Samtang hugtan pa ang pagpangolekta sa SSS sa ilang kontribusyon. I Richel Gubalani
