LEGAZPI CITY – May pagirumdom an Social Security System (SSS) Legazpi Branch sa publiko na makurua kan mga natatadang Unified Multi-purpose Identification (UMID) cards.
Sa Disyembre 29 kaya babasurahon na an mga unclaimed o dai nakuang mga UMID cards.
Sa intrevista kan Brigada News FM Legazpi kay SSS Legazpi Branch PIO Jeanette Mapa, sinabi kaini na igwang mga myembrong nag-apply na dai na-claim an UMID card tapos nag-abroad na.
Segun saiya, pwedesir pa ining makua basta mag-provide nin authorization letter asin photocopy nin valid ID na may pirma.
Kaipuhan kaya na ma-claim na ninda an UMID nganing ma-avail an mga priveleges siring sa pag-disburse nin loans, benefits asin refunds sa mga bangko arog kan Union Bank asin iba pa.
Kaya pig-eenganyar ni Mapa an gabos na dai pa nakaka-claim na i-claim na an UMID cards sa saindang opisina.
