LEGAZPI CITY – Inarestar kan mga otoridad an sarong sales agent sa Brgy. Capantawan, syudad nin Legazpi huli sa kasong grave threats asin statutory rape.
Binisto an akusado na si alyas “Tito Marco”, 27 anyos, soltero asin residente kan Daraga.
Nadakop ini sa kusog kan mandahamiento de aresto na pinaluwas kan Presiding Judge kan RTC Branch 2-Family Court, Daraga, Albay asin pirmado kan Nobyembre 13 ngunyan na taon.
Maabot man sa PHP120,000 ang inirekomendar kan korte para sa kasong grave threats, mantang wara nin piyansa an para sa statutory rape.
Nasa kustodiya na ini kan Daraga PNP para sa magkakanigong disposisyon.
