LEGAZPI CITY – Nakapagrehistro an Social Security System (SSS) nin labi sa nuebe mil (9K) na mga bagong rehistradong SSS members sa bilog na rehiyon kan Bicol.
An nasambit na dakulang numero, iyo an resulta kan isinagibong Nationwide SSS Registration Day asin Caravan sa manlaen-laen na probinsya sa nasambit na rehiyon kan nakalihis sanang Hulyo 15, 2024.
Segun kay SSS Legazpi Branch spokesperson, Jeanette Torallo-Mapa, sa kabilogan subuot, igwa sindang nairerehistrong maabot sa 2508 na newly registered SSS numbers.
Mantang 789 sa Tabaco City, 863 sa Sorsogon, 1617 sa Naga, 935 sa Iriga City, 932 sa Masbate, 923 sa Daet, Camarines Sur, City asin 1309 man sa Virac, Catanduanes.
Sa presente, ipighayag man kan nasambit na ahensya na igwa subuot na ipiglatag na mga SSS-on-wheels asin SSS services sa manlaen-laen na mga munisipyo sa kada probinsya kan rehiyon kan Bicol.
