Naligo sa kaugalingong dugo ug napalgang wala nay kinabuhi ang usa ka mahuyang sulod sa gipuy-an nga apartment sa lungsod sa Liloan pasado alas 8:45 kagahapon sa buntag.
Ang mahuyang nailhan nga si Petronilo Maglasang, hingkod ang panuigong og residente sa naasoyng lugar.
Sa pakisusi sa kapulisan sa Liloan Police Station, naugkat na ang maong patayng lawas sa dihang adunay silingan niini nga naka timaho og dili maayong baho nga gikan sulod sa apartment.
Giablihan kini sa iyang silingan og didto nakit-añ nga nag buy-od, naligo sa kaugalingong dugo ug wala nay kinabuhi ang maong mahuyang.
Base sa saysay sa silingan niini, adunay uyab ang biktima ug misulod kini sa maidtong alas 3 sa buntag niadtong Hulyo 13 ug wala na mibalik pa.
Gipaubos na sa autopsy ang patayng lawas arun sa pagsuta kung unsay hinungdan sa kamatayon na niini.//
