LEGAZPI CITY – Magkakaigwa nin Spoken Word Poetry contest an Commission on Human Rights (CHR) Bicol katakod sa napaparaning International Women’s Month Celebration sa maabot na bulan nin Marso ngunyan na taon.
Ini an kinumpirmar ni CHR Bicol Regional Director Arlene Alangco sa Brigada News FM Legazpi.
Segun saiya, bukas ini sa gabos na bona fide students kan rehiyon.
Tema kan aktibidad an “Breaking the Glass Ceiling” kun sain obhetong matawan-duon na an mga babae man maluya.
Pinili ninda an spoken poetry, huli ta saro man ining maray na medium of expression.
Segun saiya, may mga estudyanteng dai kayang mag-usip alagad pinapaagi sa arts an saindang mga mawot taramon asin mga emosyon.
Mientrastanto, sa mga interesadong magpartisipar, kinakaipuhan sana su boot na magsumiter nin video pati nin PDF file kan saindang mga piyesa.
Sinabi pa ni Alangco, magkakaigwa nin pre-screening antes an final screening sa Marso 8, kun sain sampulong piling finalists an maralaban nin aktwal.
