Sumulat si Special Senate Committee on PH Maritime and Admiralty Zones, Chairperson, Senador Francis Tolentino kay Department of Foreign Affairs (DFA) Secretary Enrique Manalo sa gitna ng patuloy na tumataas na tensyon sa West Philippine Sea partikular na sa may Ayungin Shoal.
Sa nasabing liham, iminungkahi ni Tolentino kay Manalo na hinggin ang tulong ng International Committee of Red Cross na nakabase sa Geneva Switzerland.
Ito ay upang magkaroon ng kaagapay ang Pilipinas sa pagpapadala nito ng mga suplay ng pagkain sa mga sundalong Pilipinong nandoon.
