Ipinunto ni Senadora Grace Poe na mahalaga ang pagtutulungan ng lahat ng ahensya ng gobyerno at sektor maging ng National Telecommunications Commission (NTC) sa pagpapatupad ng Sim Registration Act upang mapuksa ang anumang text scams.
Alinsunod nito, bilang isa sa mga nagtulak ng nasabing batas sa Senado ay ikinalulungkot umano ni Poe ang tila pagiging ‘new normal’ na ng text scams at scams sa bansa sa kabila nito.
Kaugnay nito, marapat lang umanong panagutin ang NTC sa nagiging pagkukulang nito sa pagpapatupad ng kanilang itinulak na batas na siyang lalaban sana sa scamming at iba pang krimen.
Samantala, binigyang-diin naman niyang dapat maging mas proaktibo ang NTC kumpara sa scammers dahil patuloy pa ring napaparalisa ang sistema ng bansa dahil dito.
