LEGAZPI CITY – Isinusulong ng Sangguniang Panlalawigan ng Albay (SPA) ang pagsusumite ng quarterly reports ng quarry revenue collection sa lalawigan upang mas maging maayos ang sistema ng reporting ng quarry operations.
Ang inisyatibang ito ay mula kay Albay 3rd District Board Member Dante Arandia na siyang awtor ng panukalang pag-amyenda sa Provincial Ordinance No. 003-2016.
Kaugnay nito, isinusulong ngayon sa SPA ang pagbuo ng monitoring team na silang mangangasiwa sa sistema ng reporting ng revenue collection kaugnay ng quarry operations sa lalawigan.
