Ginaduso ni Board Member Mayella Mae Plameras-Ladislao ang pagtukod kang Nutrition Office nga magatutok sa pagsabat kang problema sa Malnutrition sa Antique.
Sa datos kang 2023 nutrition situation report kang National Nutrition Council (NNC) sa Western Visayas, ginpahayag nga 3,190 sa 50,196 ka mga kabataan nga naga-edad 0-59 months old sa probinsya ang underweight samtang, 5286 naman ang stunted kag 969 ang wasted.
Suno kay SP Maye bilang Chairman Kang Committee on Health, ginahingyo kadya sa local finance committee kang gobyerno probinsyal nga i-prioritize ang pagtukod kang Provincial Nutrition Office (PNO) para masabat ang problema sa malnutrition nga pinakamataas sa bilog nga Western Visayas katong 2023.
