Nagpatigayon kang site validation ang antique provincial project management and implementing unit (ppmiu) kag ang prdp regional project coordination office (prdp-rcpo 6) sa proposed casay-viejo to igpalge to camandagan to igbangcal-a road project kang tinalikdan nga adlaw, mayo 23, 2024.
Ang dya nga 8.2-kilometer road project ang magakonektar sa mga kabaranggayan nga ginalakipan kang casay-viejo, igpalge sa anini-y, kag camandagan kag igbangcal-a sa tobias fornier.
Dya nga proyekto ang may katuyoan nga maimprobar ang access kag transportasyon para sa agricultural products kag mas mapasangkad pa ang produksyon kang mga nasambitan nga lugar sa probinsya.
