GIPANGANDAMAN na sa Sangguniang Panlungsod ang pinaka-unang regular session sa ika-20 nga konseho kung asa ilaha nga tukion ang ilang Internal Rules of Procedure nga mahimong basihan sa ilang trabaho sa konseho.
Sa kumpermasyon sa SP Secretary nga si Rosalinda Nenette Mondido, karong adlawa, Agusto 2 ang pinaka-unang regular session sa 20th Sangguniang Panlungsod.
Ang pinaka-agenda sa unang session mao ang Internal Resolution nga pag- adopt sa daang Internal Rules of Procedure.
Basi sa proposed resolution adunay mga kausaban nga angay masayran sa publiko aron masayod sa trabaho sa mga konsehal.
Gidugang ni Mondido nga aduna gihapon ang Majority Floor Leader, ang dress code ug ang pagbahin bahin sa 26 ka mga komitiba, klaro usab daw sa daang IRP nga dapat ang matag usa ka konsehal aduna gayod komitiba.
Una na usab nga nasabutan sa mga konsehal ug sa besi mayor nga matag adlaw nga Martes sa semana ang ilang regular session nga magsugod alas 9 sa buntag.
Malaumon usab si Mondido nga may dakung mahimo ang mga bag-ong kagawad gumikan sa inaugural session pa lang nasulti na nila ang ilang mga plano sa legislation. I Ver Diazon
