Suportado ni Senate President Francis “Chiz” Escudero ang posibleng pag-ban sa mga ilegal na POGO.
Ito ay matapos sabihin ni Defense Secretary Gilberto Teodoro Jr. na ang mga sindikato sa likod ng POGO hubs ay national security concern, at dapat nang mapigilan.
Giit ni Escudero, dapat nang maipasara ang lahat ng ilegal na POGO.
Maliban sa senate president, nanindigan din si Senadora Loren Legarda na ang POGO ay national security threat.
Dahil dito, dapat aniyang gumawa na ng aksyon ang enforcement agencies para mapasara ang POGOs sa bansa.
