Hiniling ng isang mambabatas na ipagpaliban ang polisiya na magtataasm sa minimum at maximum rates ng premium insurance sa gitna ng pandemya.
Tinukoy ni AGRI party-list Representative na si Wilbert Lee ang Insurance Commission’s (IC) Circular Letter No. 2022-34 na nag-adjust sa naaangkop na minimum at maximum catastrophe rates sa buong bansa.
Ang adjusted rates na ayon sa mambabatas ay magkakabisa sa January 1, 2023 ay iba-iba sa pamamagitan ng pagtukoy ng mga factors gaya ng risk zone, at uri ng konstrauksyon. Bilang resulta nito, magkakaroon ng biglaang pagtaas sa insurance premium mula 40% hanggang 400%.
Base sa isinagawa nilang konsultasyon, ang pagtaas ay maaaring doble hanggang apat na beses sa kasalukuyang binabayaran para sa insurance sa housing loan sa Pag-IBIG fund, GSIS loan, post-harvest facilities, agri machinery, fishing boats, dryers, storage , at maging ang Philippine Crop Insurance Corporation.
Sinabi ni Lee na ang naturang pagtaas ay hindi napapanahon dahil ang bansa ay hindi pa nakakabangon mula sa lockdowns at mobility restrictions dahil sa COVID-19.
