Karon pa lang giawhag na sa Bureau of Internal Revenue (BIR) sa Davao City ang mga local social media influencer nga nakabase sa syudad nga magparehistro aron bayaran ang mga buhis gikan sa ilang mga kinita.
Sumala kang BIR 113A West Davao Assistant Revenue Officer Abolhasan Balindon, makonsidera nga self employed income earner ang mga influencer busa kinahanglan nga magparehistro sila.
Gipasabot hinoon sa opisyal nga walay ipahamtang nga buhis sa mga social media influencer kung dili molap[as sa P250,000 ang ilang kita sulod sa usa ka tuig apan kinahanglan gihapon nga mohikay sila sa ilang
Income Tax Return (ITR) kada-quarter sa tuig.
Gisugdan na usab matud pa karton sa BIR-Davao kung dunay mga local influencer ang naka-rehistro na.
Nanawagan usab kini sa publiko nga isumbong sa ilang buhatan ang mga influencer nga nagakita nga wala nakahikay sa ITR isip tabang sa gobyerno nga nagkinahanglan karon og tinubdan og salapi aron magamit sa response sa pandemya.
