Nagpahimangno karon ang otoridad nga kinahanglan gihapong ipatuman ang social distancing sulod sa mga pangpublikong sakyanan sa syuda sukad giwagtang na ang plastic barrier.
Gitataw nga angay pa gihapon sundon ang 50% nga kapasidad sulod sa mga PUV sama sa jeep ilabi nang wala pay gipakanaog nga bag-ong memorandum kabahin sa seating capacity.
Una na usab giklaro sa Land Transportation Franchising and Regulatory Board-XI nga magpabilin ang naunang mando sa 50% seating capacity Department of transportation.
Apan subay sa gihimong pagpanubay sa Brigada News Team, sagad sa mga pampasaherong jeep nga nananggal na sa plastic barrier ang magpasakay og sobra sa 50 porsyento nga kapasidad ug halos magdikit na ang pasahero. BNFM-Davao
