GI-CLASSIFY na isip ‘low risk’ sa Covid-19 ang Soccsksargen region human nakatala og ubos nga average cases gikan Desyembre 14- 20.
Kini ang gibutyag ni Department of Health (DOH) Secretary Francisco Duque III atol sa pagbisita niini sa GenSan kauban ang ubang miyembro sa NIATF.
Ubos na usab ang narekord nga test positivity rate sa rehiyon tandi sa natala sa mga nakalabay’ng bulan. Ang mga lugar sa rehiyon ang giklasipika na usab nga naa sa low risk sama sa General Santos City ug Sultan Kudarat.
Sa datus sa DOH-12 tracker naa na lang sa 232 (as of Dec 20) ang aktibong kaso sa Covid-19 asa ang Sultan Kudarat ang duna na lang usa ka aktibong kaso. Samtang misaka na sa 54,532 ang kinatibuk-ang ihap sa recoveries gikan sa 57,036 kinatibuk confirmed Covid-19 cases.
Giawhag ni Duque III ang publiko nga magpabakuna na aron malikayan nga mahimong moderate o severe kung matakboyan sa virus.
Nagpahimangno usab ang nasangpit sa publiko nga hugot sundon ang minimum health protocols atol sa pagselebrar sa kapaskohan. I Richel Gubalani
