NAKADESISYON ang Integrated Bar of the Philippines- South Cotabato ug Gensan Chapter nga dili nila ipadayun ang pagpahigayon og Christmas party ning tuiga.
Kini ang ilang nakasabutan sa mga miyembro asa ang P500 nga maggikan sa matag abogado alang sa party ang gamiton na lamang aron ipamalit og hinabang alang sa mga biktima sa bagyong Odette.
Gamiton ang maong pondo sa pagpalit og tambal, canned goods, bottled water, sanitary kits ug uban pang kagamitan alang sa mga biktima sa bagyo.
Matud sa IBP SocGen chapter nga taliwala sa nasinatian karon, mahinungdanon pa gihapon nga saulugon ang Pasko kauban ang mga mahal sa kinabuhi ug ang salapi nga ilang natigom ang ihatag alang sa nanginahanglan.
Dugang pa sa grupo sa mga abogado nga samtang ginaihap ang adlaw bag-o ang Pasko, may mga kaigsuonan nga naglisod, walay pinuy-anan, pagkaon ug tubig, tambal ug sanina, nga mas labing kinahanglang tabangan.
