UBAY-UBAY nga mga timbangan ang gikumpiska sa mga market implementors sa surprisang inspection Desyembre 20 sa kasamtangan nga tuig.
Sa kumpermasyon ni Market Supervisor Lito Esclamado, dul-an 30 ka mga timbangan ang ilang nakumpiska ug gidala dayon sa City Treasurer’s Office.
Ang kasagaran nga kasupakan mao nga walay mga silyo sa Treasurer’s Office ang mga timbangan nagpasabot nga wala marehistro nga mga timbangan o kilohan.
Nag-isyu daw sila og citation ticket unya gidala na sa Treasurer’s Office ang mga timbangan, didto na usab mobayad ang vendors nga gusto pa lukaton ang ilang mga timbangan.
Gidugang ni Esclamado nga ilaha lang ginahimo ang surprise nga inspection aron makumpiska ang wala marehistro nga timbangan, lakip na ang may tikas nga timbangan.
Samtang ginapahibalo ni Esclamado sa mga mamalitay nga nagagana ang ‘Timbangan ng Bayan’ pwede kaayo nga sulayan ang napalit nga produkto kon sakto sa timbang.
Samtang sa pahayag sa usa ka mamalitay sa public market nga si Helen gikan sa Labangal dapat sakto nga timbangan ang gamiton sa mga vendors unya narehistro aron makasigurado ang mga mamalitay.
Kahibaluan nga ang gisulod sa mga market implementors ang isdaan ug naga laray samtang wala usab gisulti kon kanus-a ang sunod nga inspection. I Ver Diazon
