KORONADAL CITY- NAGTAYO na ng mga water impounding facility ang provincial government ng South Cotabato bilang paghahanda sa posibleng pagtama ng El Niño phenomenon sa susunod na buwan.
Iniahayag ni South Cotabato Governor Reynaldo Tamayo Jr na naglagay na sila ng water impounding facilities sa mga lugar na malapit sa sapa sa bayan ng Tupi.
Samantala, naghahanap pa ang mga ito ng lugar na paglalagyan ng water impounding facility sa Upper Valley area.
Sa pamamagitan nito, may mapagkukunan ng tubig ang mga magsasaka para sa kanilang mga sakahan oras na tumama ang tagtuyot lalo na’t nakatakdang ilunsad sa South Cotabato ang consolidated rice farming sa June 14.
