LEGAZPI CITY – Nakaresibe ki tabang-pinansyal an mga small business owners sa banwaan kan Camalig, Albay hale sa Department of Social Welfare and Development.
Sa paagi ini kan Sustainable Livelihood Program, kun sain nagdistribwer ki P10,000 sa nasa 23 na micro-entrepreneurs hale sa manlain-laing barangay kaibahan an Barangay 1, Bariw, Comun, Gotob, Iluluan, Palanog, Salugan, Quinaritan, Taloto, asin Tagoytoy na may obhetong makatabang sa mga economically disadvantaged na mga pamilya asin komunidad na iyo an saro sana sa mga programa kan ahensya na digdi nakatutok.
Ikinondusir ini sa Camalig Command Center sa Brgy. Salugan na pinagpartisiparan kan manlain-laing opisyal kan banwaan o lokal na gobyerno na nagpahayag man kan saindang suporta sa mga beneisyaryo asin naglalaom na an mga ini magdakol pa para sa ikamamarhay kan lugar.
