KORONADAL CITY- MAAARI nang mag-apply ang mga qualified dependents ng mga Overseas Filipino Workers o OFW’s para sa short-term scholarship program sa ilalim ng Skills for Employment Scholarship Program (SESP) ng Overseas Workers Welfare Administration (OWWA) Region 12.
Ang SESP ay isang programa ng OWWA kung saan ang OFW o kanyang qualified dependent ay maaaring maka-avail ng Technical-Vocational Scholarship Program na nagkakahalaga ng hanggang P 14,500.
Ang napiling technical o vocational course ay maaaring i-enroll sa mga TESDA-Accredited Training Centers sa Region 12.
Ang mga interesado ay hinihikayat na bumisita sa mga Public OFW Desk Office o PODO sa mga municipal o city halls o sa OWWA Regional Office 12 sa Koronadal City.
Para sa dagdag na impormasyon, tumawag sa 228-107 at hanapin lamang si Mae Delle Guanga.
