NAHIMONG finalist sa Sangguniang Kabataan awards national level ang SK council sa Barangay Lagao ug SK council sa Barangay Calumpang nga ipahigayon sa Agosto 12 ang awarding ceremonies sa kaulohan.
Segun sa SK Lagao Chairperson Kimberly Choice Cancer, na-qualify sila isip Most Oustanding SK Council pinaagi sa pag-aplay sa imbitasyon sa Facebook sa Positive Youth Development Network, usa ka award giving body alang sa mga SK projects.
May siyam ka areas of participation ug qualifications nga na-comply sa SK Lagao aron mahimong kabahin sa 20 ka finalist gikan sa 250 ka mga nag-aplay nationwide.
Segun ni SK Lagao Kagawad Luis Joseph Baluran ang mga criteria gilangkuban sa effectiveness and efficiency sa SK council, participation, transparency and accountability.
Butyag usab ni Rochell Qualquera, SK Lagao secretary nga lakip sa ilang mga proyekto mao ang paghatag og educational assistance asa anaa na sa 100 ka college students ang gitabangan ug may migradwar sa kolehiyo ning tuiga nga 17 with Latin honors.
Anaa usab silay HPV vaccine sa mga kababayen-an, economic empowerement pinaagi sa paghatag og trabaho, social inclusion and equity, peace building and security, pagtutok sa kinaiyahan, governance ug daghan pa.
