DILI na kinahanglan pa nga hatagan og special economic powers si Pangulong Ferdinand Marcos Jr.
Kini ang nahimong reaksyon sa grupo sa mga kababaihan human nabaniog ang pagduso ni Albay 2nd District Rep. Jose Ma. Salceda ug ginatawag niini Bayan Bangon Muli (BBM) package aron nga mahatagan og special powers ang pangulo sa katuyoan nga mapaubsan ang ginaatubang nga pagsaka sa presyo sa mga palaliton sa nasud.
Segon ni Jom Salvador, Secretary General sa grupong Gabriela nga anaa sa pangulo ang mga paagi aron masiguro ang han-ay nga panggobyerno nga nagatubag sa kinahanglanon sa mga katawhan.
Dugang pa niini nga lisod ang emergency powers tungod sa mga kasinatian kaniadtong nanglabay nga kon mahatagan og dakong gahum mas mukusog pa ang pagkapyot niini.
Nasayran nga base sa maong proposal makaangkon og anti-hoarding powers ang pangulo lakip na ang paghatag og insentibo sa produksyon ug paghatag og loans sa mga supplier sa mga essential goods ug anti-gouging powers aron nga mapunggan ang economic impact sa taas nga inflation rate. I Danny Casi
