Patay ro 41-anyos nga laeaki nga ginkilaea nga si Lowel Apresto matapos raya nga gin-eabo it anang manghod nga ginkilaea man nga si Welord Apresto, 36-anyos sa Sitio Gunting, Barangay Palapay, Anilao, Iloilo.
Base sa inisyal nga imbestigasyon it Anilao Municipal Police Station, naga-inuman si Welord kaibahan it anang mga amigo kat makita raya ni Lowel nga sa implwensiya man it alak.
May natabo nga di pagkaintidihanay sa tunga it daywa ag ginhambaean it biktima ro suspect nga patyon imaw kara sa bisan anong oras.
Kasunod it insidente, nag-uli si Welord ag ignbantayan ro anang magueang ag kat makatiyempo, gin-eabo raya sa liog.
Base sa mga otoridad, may mabuhay eun nga away ro daywa matapos ginmartilyo ni Lowel sa baba si Welord samtang nagakatulog.
Sa presente, nakapreso si Welord sa Anilao MPS./JIL B. LACSON
