Wala pay gihatag nga “go signal” ang SITG-Uy sa pagpagawas sa facial composite sa mga suspek sa mipusil patay ni Brgy. Carmen Kagawad Tawee Uy ug sa caretaker niini nga si Samuel Pabalan sa quarry site nga nahimutang sa Purok 1 Barangay Pagatpat ning syudad sa Cagayan de Oro.
Kini basi sa pamahayag ni SITG-UY ug COCPO Spokesperson Police Major Evan Viñas atoll sa pakighinabi sa Brigada News FM Cagayan de Oro sa maong opisyal.
Dumduman nga niadtong nakalabay nga semana, namahayag si Major Viñas nga gikuptan na sa SITG ang facial composite sa suspek nga mipusil patay “Tawee” Uy ug kang Pabalan.
Nakuha matud pa ang facial composite pinaagi sa pahayag sa mga witness.
Matud ni Police Major Viñas nga ang nawung nga nakuha sa facial composite nagpareho sab sa nakita sa driver sa biktima nga si Rubie Alayuay nga maoy naka storya ni Tawee sa wala pa nahitabo ang krimen.
Sa pagkakaron, pabiling on-hold sa otoridad ang driver ni Tawee hangtod magpadayon ang imbestigasyon.
Kahibaloan nga karun ang ika-21 ka adlaw sukad nahitabo ang pagpusil patay kang Kagawad Uy ug sa caretaker niini.
