Mi-apelar karon ang City Fire District sa Cagayan de Oro nga mag-amping batok sa insidente sa sunog ilabi na karong holiday season diin mitungtong nasab karon ang bulan sa Disyembre.
Gibutyag ni SFO1 Jade Ompoc sa Carmen Fire Station nga angay mag-alerto ang katawhan aron dili mabiktikma sa sunog.
Angay matud pa doblehon sa matag tag-iya sa panimalay nga nakasiguro nga naka-unplugged ang mga wirings sulod sa panimalay ug unsa pa nga matang sa butang nga mahimong tinubdan sa sunog.
Kahibaloan nga kagahapong adlawa, usa ka panimalay nga gipanag-iyahan sa pamilyang Patayon nga nahimutang sa usa ka subdivision sa Barangay Lumbia ning syudad ang partially damage sa sunog.
Diin duha ka anggolo ang gitutukan sa BFP nga posibling hinungdan niini ang gi-ingong pagbuto sa water dispenser o refrigerator.
