Magsasagawa ng inspeksyon ang Department of Environment and Natural Resources (DENR) sa nangyaring oil spill sa Lamao Point.
Kaugnay nito ay personal na nagtungo sa Limay, Bataan si Environment Secretary Maria Antonia Yulo-Loyzaga para imbestigahan ang insidente.
Isa sa titingnan ng ahensya ay ang laki at lawak ng pinsala sa kapaligiran ng pagtagas ng langis mula sa tumaob na motor tanker.
Ayon sa ahensya, nagkakaroon sila ng paghahanda para protektahan ang marine ecosystem at ang kapakanan ng publiko sa Bataan.
Mababatid na una nang iniulat ng Philippine Coast Guard (PCG) ang paglubog ng motor tanker na MT Terra Nova 3.5 nautical miles mula sa Limay, Bataan.
Lulan nito ang 1.4 million liters ng industrial fuel.
Samantala, sinabi naman ng PCG na kaya raw matapos ang pagsipsip sa oil spill sa lalong madaling panahon.
