Na-extend pa hanggang sa araw ng Biyernes ang siphoning operation o pagsipsip sa natitirang langis mula sa lumubog na sa MTKR Terranova sa Bataan.
Ayon kay Coast Guard Station Bataan Commander, Lieutenant Commander Michael John Encina, layon nitong makuha ang lahat ng naiwang langis mula sa mga tangke, pipelines at compartments ng barko.
Sa kabuuan, mayroon nang nakuhang 1,384,211 liters ng oil waste mula sa Terranova.
Ang barko ay may kargang 1.4 million liters ng industrial fuel bago lumubog noong kasagsagan ng bagyong Carina.
