PAGLAOM nga makab-ot ang kabag-ohan sa bag-ong liderato sa pang-gobyerno sa siyudad sa GenSan, kini ang singgit sa mga residente sa Purok Lower Puting Bato, Barangay Calumpang sa pagbisita sa pamilyang AIM sa pagpanguna ni Brigada Elmer Catulpos.
Matud ni Alicia Martinez, misis ug dunay mga anak buot niyang modaug ang dunay plataporma nga haum sa panginahanglan sa komunidad.
“Si Elmer Catulpos ang nakita namo ug sa akong pamilya nga dunay plano alang sa katawhan, iyang tabangan mga tao sa mga maayong mga plataporma,” asoy ni Martinez.
Nagtuo usab si Judith Aguilar, nagpuyo sa maong lugar nga mausab ang patakaran sa panggamhanan sa siyudad kung bag-ong lider nga dunay tinuodanay nga dughan sa pag-serbisyo ang modumala.
“Gusto nako mausab ang patakaran sa GenSan, gusto nako mabag-o ang GenSan si sir Elmer ang mahimong lider nato diri,” dugang ni Aguilar.
Awhag ni Aguilar ug Martinez sa mga taga -GenSan nga mopili og lider nga dunay tinuod nga bisyon alang sa ikalambo sa dakbayan.
