NAGA CITY – Mahigit 296,000 nang National ID sa buong Camarines Sur ang nagawa na at natanggap na ng Philippine Postal Corporation o Philpost. 272,000 naman ang naihatid na at 43,000 ang ibinalik sa sender o sa Provincial Office ng Philippine Statics Authority o PSA.
Sa panayam ng Brigada News FM Naga kay Cynthia Perdiz, Regional Director ng PSA-Bicol, sinabi nitong sa mahigit 1.70 milyong target na dapat na magawan ng National ID sa probinsya, mahigit 1.19 milyon pa lang ang nakakapagparehistro.
Kagaya ng unang sinabi nito noon sa BNFM Naga, pagdating sa Card Production Unit mahirap makapag-produce ng mga National ID lalo dumadaan ang bawat ID sa maraming beses na pagpiprint o maraming layer ang bawat isa nito, ito ay para sa seguridad sa bawat pagkakakilanlan ng bawat tao, iniiwasan rin kasi ang posibilidad na pagkakaparepareho nito.
Ang 43, 000 namang ibinabalik, ay ang mga taong posibleng namatay na, wala sa tirahan na inilagay nito o kaya naman hindi mahanap.
Kaya naman nanawagan si Perdiz hindi lang para sa probinsya ng Camarines maging sa buong rehiyon na sana maunawaan ang kanilang ahensya.
