NAGPASALAMAT ang mga pastor ug miyembro sa Evangelical Bible Church sa pagdawat sa pamilyang Achievement with Integrity Movement (AIM) sa ilang imbitasyon sa Barangay Fatima.
Matud ni Jun Combong, organizer sa mga pastor sa simbahan ‘Blessing’ kanila ang pag-abot sa pamilya sa pagpanguna ni mayoralty candidate Elmer V. Catulpos.
Gumikan nagtuo sila nga managsama ang ilang intensyon nga makahatag og maayong serbisyo pinaagi sa kabag-ohan sa sistema.
“Dako kaayo og impact ang pag-anhi sa incoming City Mayor tungod ang iyang vision para gyud sa kaayohan sa atong siyudad, so kaming mga pastors nagapasalamat gyud kay tungod isa pud sa gitagaan me og importansya nga itugot sa Ginoo nga siya makalingkod nga tagaan og pagtagad ang mga department sa city hall down to barangay nga atleast ma-saturate pud ang pulong sa Ginoo,” asoy ni Combong.
Gipanalanginan sa mga pastor si Catulpos kauban ang bando isip hatag og giya aron mapadayon ang pagkab-ot niini sa bisyon.
Samtang, mitambong usab kini sa imbitasyon sa grupo sa Partidong Federal ng Pilipinas (PFP) sa pag-abli sa city headquarters.
Gidawat usab ni Catulpos ug sa pamilyang AIM ang imbitasyon sa mga residente sa Purok 2, Barangay Ligayan alang sa pulong- pulong.
Handum ni Dolores Maniha, residente sa lugar matagamtaman na sa mga lumulupyo sa siyudad ang kabag-ohan.
“Akong concern gyud katong kabag-ohan sa GenSan, kasi dugay na pila na katuig naglingkod ang mayor morag among tan-aw man gyud sila lang man ang nitaas dapat tagaan pud og pukos ang pobre nga dili gyud magkalisod, nagtuo me sa kabag-ohan nga dali ni mayor Catulpos,” dugang ni Maniha.
