ANDAM na ang simbahang Katoliko sa pagpahigayon og Misa de Gallo sugod Desyembre 16-24 sa managlahi nga mga parokya ug kapilya alang sa Kapaskuhan.
Sa paghinabi sa 89.5 Brigada News FM Gensan kay Fr. Raul Valle sumala niini nga sa ilang bahin andam na sila gikan sa mga partisipante ug sa pagpatuman sa health protocols gumikan anaa pa sa pandemya, nakapadala na usab sila og sulat sa mga Barangay Action Forces ug sa mga kapulisan alang sa seguridad ug sa kahapsay sa trapiko.
Ilaha daw ipatuman ang 50 percent capacity, tulo ka tawo sa usa ka taas nga lingkuranan unya adunay tent sa gawas sa simbahan alang sa dili na kaigo sa sulod kon moawas, bawal usa ang pag amen sa kabataan sa mga pari.
Ang ilang schedule sa unang misa alas tres sa kaadlawon unya ang ikaduhang misa alas kwatro y media sa kaadlawon gikan Desyembre 16-24.
Gidugang ni Fr. Valle nga ang ilang gina-mpo nga mawala na ang pandemya unya lakip sa mga topiko ang may kalabotan sa climate change, global warming ug ang umaabot nga eleksyon.
Mahinungdanon matud pa ang kasaulogan sa Kapaskuhan gumikan mao kini ang selebrasyon sa adlaw nga natawhan ni JesuKristo samtang kausa lang kini ginasaulog sa matag tuig.
Samtang apil sa gina-ampo nga makapili og saktong mga lider sa umaabot nga piniliay subay sa criteria nga tulo ka C nga nagpasabot Credible, Compatible ug may Concern sa mga isyu sa katawhan.
Samtang naghinam hinam na usab ang pipila ka partisipante sa Misa de Gallo sama kay Linda Angin sa Barangay San Isidro nga nahatagan og topiko kalabot sa anak gumikan aduna kini hugot sa nahitabo sa iyang anak.
Samtang dili usab sigurado si Judeth Fuertes sa Calumpang kon makompleto niini ang siyam ka simba gumikan sa iyang trabaho nga hangtud alas 10 sa gabei mahuman, gina-ampo lang daw niini ang maayong panglawas sa iyang pamilya ug sa iyang mga apo. I Ver Diazon
