Nilagdaan na ni Pangulong Bongbong Marcos Jr. ang SIM Card Registration Act na naglalayong obligahin ang lahat ng SIM card users sa buong bansa na iregister sa mga public telecommunications entities (PTEs).
Sa kanyang talumpati sa isinagawang ceremonial signing sa Malacañang sinabi ng Pangulo na long overdue na ang pagpasa sa naturang batas.
Naniniwala si Marcos na malaking tulong ang SIM card registration act upang masawata ang mga spam messages at mga mga krimen na gumagamit ang SIM.
Inaatasan din sa batas ang mga telcos na irehistro ang mga existing sim cards users at kung hindi magcocomply sa itinakdang panahon ay maaari itong i-deactivate.
Tiniyak naman ni Marcos na hindi mako-kompromiso ang privacy ng isang indibidwal dahil sa mga safe guards na matatagpuan sa naturang batas.
#
