Tinutulan ng shipping industry stakeholders ang mga probisyon sa panukalang Magna Carta for Filipino Seafarers na pinaniniwalaan nilang hindi ito naaangkop sa mga domestic vessels.
Sa isang pagdinig ng House panel na ginanap sa Mandaue City, Cebu, sinabi ng mga stakeholders sa mga miyembro ng Kamara na ang mga seaferers sa mga international vessels ay hindi maaaring iuri sa counterparts sa mga domestic ships.
Sinabi ni Cebu 3rd district Rep. Pablo John Garcia, maaaring “patayin” ng ilang probisyon ng panukalang batas ang shipping industry.
Sa panukala, mangangailangan kasi ng mga cabin accommodations para sa mga cadet o apprentice seafarers.
Ngunit karamihan sa mga domestic trip ay magdamag o mas maikli pa sa loob lamang ng dalawang oras na hindi nangangailangan ng hiwalay na mga cabins para sa mga tripulante at kadete.
