Asahan nang magdudulot ng mahina hanggang sa katamtaman at kung minsan ay malakas na na pag-ulan ang Shear Line sa maraming bahagi ng bansa ngayong araw.
Kasama sa mga apektadong lugar ang Bicol Region, Eastern Visayas, Quezon, Oriental Mindoro, Marinduque, Romblon, Aklan, Capiz, Dinagat, at Surigao Provinces
Nagbabala ang PAGASA na posibilidad ng pagbaha at pagguho ng lupa.
Patuloy namang iiral ang hanging amihan sa Northern at Central Luzon
Magdudulot ito ng mahinang pag-ulan sa Cagayan Valley, Apayao, Kalinga, Ifugao, Mt. Province, at Aurora
Makararanas naman ng maaliwalas na panahon na may tyansa ng mahinang pag-ulan ang Metro Manila, Ilocos Region, sa nalalabing bahagi ng Cordillera Adminsitrative Region, at CALABARZON.
Para naman sa nalalabing bahagi ng bansa ay asahan din ang magandang panahon ngunit may tyansa pa rin ng pulo-pulong pag-ulan, na may kasamang pagkulog at pagkidlat na maaring idulot ng localized thudnerstorms.
