Nabunyag ang sinasabing isinagawang serye ng mass killings ng Myanmar military kung saan umabot sa 40 ang biktima.
Ayon sa mga testigo at ilang survivors, ilang sundalo ang sumalakay sa mga villagers saka inihiwalay ang mga lalaki kung saan ay pinatay ang mga ito.
Lumutang din ang ilang larawan at video na ilan sa mga pinatay ay pinahirapan saka ibinaon sa mga mababaw na libingan.
Nangyari umano ang pagpatay noong July sa apat na magkakahiwalay na lugar sa Sagaing District sa Central Myanmar.
Pinaniniwalaang ang pagpatay ay dahil sa demonstrasyon ng mga tao na maibalik ang demokrasya sa kanilang bansa matapos ang kudeta noong Pebrero na nagpatalsik sa kanilang leader na si Aung San Suu-Kyi.
