Diri angay mabaraka an mga kablasanon o indigents nga waray igarasto pagpa check- up o pagpa laboratory matungod puydi na kumadto ha Tacloban City Hospital (TCH) ha libre nga medical services.
Sumala kan Dr. Joedina Baleos-Gumagay, Chief of Hospital, nagpapadayon an ira libre nga Dialysis, CT Scan, X-ray, Ultrasound, Mammogram, Blood Chemistry ug iba pa.
Pananglitan naman daw nga waray ha City Hospital an ginkikinahanglan nga serbisyo han pasyente, in ginkakadto ini ha Remedios Trinidad Romualdez (RTR) Hospital ha Calanipawan Road kay may-ada Memorandum of Agreement an TCH ngan RTR Hospital para hini nga erbisyo medikal para ha mga kablas.
An may mga gin-aabat nga problema ha panlawas nga karuyag makatagamtam hin libre nga serbisyo- medikal, in pumakadto ha Tacloban City Hospital agud magpa schedule.
Mababaruan nga libre an serbisyo medikal ha TCH matungod mayda pondo para han Medical Assistance for Indigent Patients (MAIP) program.
