Maeain-eain nga mga komento ro gin-ani it sambilog ka post sa ginhimo it uwa pa nakilaeaea nga indibidwal sa sambilog ka ayam sa Virac, Catanduanes.
Sa picture, nakahigot nga matsa nakabigti ro ayam sa sambilog ka pader gamit ro alambre.
Base sa panaysayon it nagpost nga si Jhon Lander, nakit-an eun eamang nana kara nga uwea eun it kabuhi ro sapat nga nakabitay sa pader sa Barangay SIV, Virac, Catanduanes.
Gusto kunta nana nga ibue-on sa pagkahigot ro ayam bangud masyado segun nga agresibo ro kaibahan nana nga ayam nga nakabantay eamang sa kaeo-oy nga sapat.
Ginpakamayad ni Lander nga nagpangayo it bulig sa mga otoridad pero kat ginbalikan nanda raya, uwa eun idto ro ayam.
Sa presente, nagapadayon ro imbestigasyon it mga otoridad sa insidente./JIL B. LACSON
