Patay ang usa ka banang senior citizen human aksidenting nabangga sa naka paradang trailer truck ang gimanihong motorsiklo sa Jampason, Initao, Misamis Oriental.
Gideklarang dead on arrival ang biktimang si Henry Lopez Bantilan, 63 anyos, taga Purok-2 Tubigan, Initao, Misamis Oriental. samtang samaron usab ang angkas nga asawang si emily bantilan, 58 anyos.
Sa imbestigasyon sa Initao Municipal Police Station, gibutyag ni Investigator Police Corporal Ricky Abecia Lagom, Jr, nga alas otso sa gabii na-aksidente ang mga biktima, human mibangga sa naka park nga trailer truck sa ngitngit nga bahin sa nahisgutang lugar.
Walay suot nga helmet ang drayber ug asawa niini hinungdan nga maayong pagkabunal sa ulong bahin sa biktima nga miresulta sa hinanaling kamatayon.
Padayon pa usab ang gihimong imbestigasyon sa kapulisan sa maong insidente.
