Arestado ang isa ka senior citizen matapos ginserbihan sang warrant of arrest sa Brgy. Poblacion Norte, Sigma, Capiz.
Ginkilala ang akusado kay alyas Alex, 74-anyos kag residente sang Brgy. Poblacion Sur sa amo man nga banwa.
Nagapangatubang ini sang kaso nga pagpanghumilos kun sa diin ang warrant of arrest ang gin-isyu kag ginpermahan ni Judge Daniel Antonio Gerardo F Amular, RTC, 6th Judicial Region, Branch 21, Mambusao, Capiz, napetsahan Oktubre 10, 2014.
Wala naman sang piyansa nga ginrekomendar ang korte sa temporaryo nga kahilwayan sang akusado.
Sa karon, naka-hospital arrest ini bangud may ginasuprehir nga balatian. | Judy Ann Juare
