Dakop sa akto sang mga kapulisan ang isa ka senior citizen nga nagapataya sang iligal nga Small Town Lottery (STL) “bookies” sa banwa sang Ivisan.
Sa impormasyon nga nakuha sang Brigada News FM sa Ivisan Municipal Police Station, ginkilala ang naaresto kay Antonio Villaflor, 66-anyos, residente sang Brgy. Agmalobo, sang nasambit nga banwa.
Nakuha sa posesyon ni Villaflor ang P1,006 nga kuwarta sa nagkalain-lain nga denominasyon, cotejo kag ballpen.
Magapangatubang sang kaso nga paglapas sa Presidential Decree 1602 ukon “Anti—illegal Gambling law” ang nadakpan.
Sa karon, nagapabilin ini sa kustodiya sang Ivisan MPS para sa nagakaigo nga disposisyon. | Judy Ann Juare
