Inanunsyo ni Senator Joel Villanueva na nagpositibo siya sa COVID-19.
Sa isang pahayag ay sinabi ni Villanueva na natanggap niya ang resulta ng kaniyang RT-PCR test nitong Huwebes ng gabi.
Ayon sa senador, nakaranas siya ng lagnat at pananakit ng ulo noong Miyerkules.
Dahil diyan ay inabisuhan na ni Villanueva ang lahat ng mga nakasalamuha niya noong mga nagdaang araw tungkol sa kaniyang kalagayan.
Aniya, kasalukuyan na rin siyang naka-isolate.
Kumpyansa naman ang senador na mabilis siyan gagaling dahil fully vaccinated na siya at may booster shot.
