“Enough is enough!”
‘yan ang mariing pahayag ni Senate Committee on Energy Chairperson, Senador Raffy Tulfo kaugnay sa nangyaring malawakang power outage sa Western Visayas.
Kaugnay nito, ayon kay Tulfo napapanahon na para pabilisin ang pagrerebisa at agarang pagtanggal ng prangkisa sa National Grid Corporation of the Philippines (NGCP) .
Dagdag pa niya, mahigit dekada at kalahati na ring nagtitiis ang taumbayan sa kapalpakan ng NGCP kung kaya’t sapat na itong ground o batayan sa pag-alis sa kasalukuyan nitong prangkisa.
Samantala, nanindigan naman si Senador Chiz Escudero na marapat ding pagmultahin ang NGCP sa lahat ng mga losses na naranasan ng mga negosyante dahil sa nangyaring blackout.
