Nakikita bilang anti-cooperatives ni Senadora Grace Poe ang nangyayaring paglalaban-laban ng mga grupo ng transport sectors hinggil sa pagpapatupad ng Public Utility Vehicle Modernization Program (PUVMP).
Kasunod nito, dapat lang umanong itigil na ng masterminds sa likod nito ang pananakot sa mga drayber tungkol sa pagbawi sa prangkisa kung hindi makakapag-consolidate at maging pagsabi na mawawala ang kanilang investments kung ito ay irerebyu.
Anya, ang simpleng pagkalat ng mga impormasyong walang basehan ay hindi dapat maging hadlang sa pagkakaroon ng tamang pagrebyu sa programa.
Dahil dito, nanawagan ang senadora sa Department of Transportation (DOTr) na ipagpaliban muna ang anumang deadline hangga’t hindi naayos ang mga programa.
Sa kabilang banda, nilinaw naman niiyang nirerespeto niya ang anumang posisyon ng mga transport groups hinggil sa isyung ito.
